每逢佳節去燒烤！一到中秋佳節，去郊外燒烤（BBQ）已成為年輕人的指定節目之一；一大班人盡情吃喝，玩個痛快，當然是賞心樂事。不過BBQ的食物中，充斥着各種無營陷阱，尤其是對於致力瘦身的男女更是「高危」，所以今次「食得有營」就醒幾招健康燒烤法畀大家，等得得哋可以食得開心又放心。
1.唔要燒烤包
BBQ要食得有營，第一步當然要懂得選擇食物。在坊間買到的燒烤包，每每含有大量醃料，令本已高脂的各種燒烤食物「百上加斤」，故最好捨燒烤包而自己準備「餐盒」。例如到超級市場買齊想食的肉類，再在家中以天然的調味料，如洋葱、蒜頭、辣椒等醃製，這樣就可大大減低食物所含的卡路里。
BBQ時，不少人都無肉不歡；其實這樣既不健康，更會令到身體吃進太多脂肪。所以不妨多吃海鮮，如多春魚、蟹、蝦、帶子等，而燒烤時則以錫紙包裹，燒熟後以豉油佐吃，同樣美味。蔬菜亦有不少選擇，西蘭花、金菇和青椒也不錯，同樣以錫紙包裹切成小塊的蔬菜，燒熟後便可享用。而很多人最愛吃的燒雞翼，但一件全雞翼已有一百五十卡路里；一次燒烤，吃四、五隻的話，已吃掉近七百卡路里。
「透完爐」後飢不擇食，不少人都會先燒幾條腸仔「頂肚」，但一條不起眼的紅腸，熱量已有七十卡路里之多；而較香口的芝士腸，一小條更達一百一十五卡路里，可謂熱量「爆燈」。只因腸仔由肥肉及內臟所做，而且含有人造色素；想食得有營者都係避之則吉。假如真係要「頂肚」，其實可以食丸類食品；因為肉丸比腸仔健康。不過最好揀魚蛋或者牛丸，墨魚丸或貢丸高脂丸類則少吃為妙，因為後者的卡路里遠比魚蛋和牛丸高。
相對普通烹飪，將食物燒烤始終唔係太健康，因為燒焦的食物會含有致癌物質。故建議大家不用將全部食物燒烤，反而將大部份的食物用錫紙包裹，直接烤熟，這樣既健康，又可將致癌機會減低。假如真的有燒焦部份，就要手起刀落，用剪刀剪去燒焦部份，甚至剪埋食物既肥膏，真係一舉兩得。
很多人都愛在燒烤食物時塗上蜜糖，愛他令食物更香口美味；殊不知這卻是另一個「冇營陷阱」；不少燒嘢食的人更因鍾意食蜜糖，兩樽都不唔夠食。不過當他們知道一匙蜜糖有六十五卡路里時，相信一定不會塗得這麼痛快。其實想增添食物鮮味，大可以用黑椒粉、芥辣等天然調味品，一樣可以令到食物香口。