青島以景色和泉水最為聞名，青島啤酒相信應該飲過，其實鮮為人知的青島蟹湯在中國也相當出名。定期有舉辦烹飪班的孖沙院負責人Chris話蟹湯並唔難做，自家炮製比街外飲平一半，而且又足料好多㖭！適逢今日係中秋佳節，搞搞新意思，唔飲雞湯改飲蟹湯，更經濟呢！飯後重可以來一款青島人至愛的銀杏蓮子蘆薈糖水滋潤吓。
記者：伍旋卓
攝影：陳盛臣
鳴謝：孖沙院（25436767）
孖沙院本身是一間餐廳，主要提供不同品種的麵食，例如中國麵、日本麵、意大利粉等。Chris表示，餐廳每星期都會嘗試舉辦一些較為另類的烹飪班，教人煮一些不曾聽過的菜式。
Chris認為舉辦烹飪班最難是找烹調導師：「要找一些既特別又易做嘅地方菜，找當地人教授是最好不過，例如要製台灣醃菜，我哋就請來一位鍾意煮飯嘅台灣人幫手教授，另外，亦會邀一班愛入廚嘅志同道合充當其中一堂嘅導師教煮撚手菜式。」為了營造一個互相交流的氣氛，Chris表示，現時每個烹飪班只會招收六個學生，所以孖沙院烹飪班有一個特點，就是學生中也有烹飪導師。
青島蟹湯最大特點是可以一湯兩食，湯料中的番茄和肉碎更是送飯佳品，用的雖然是平價水蟹，但因烹調前先經過薑、葱、蒜頭、乾葱等爆炒過，蟹湯都變得零舍香甜。
用咩料：
水蟹 1隻
蒜頭、乾葱 各1粒
番茄 2個
豬肉 5両
薑、葱 各少許
蓮子有進補功效；而銀杏則補腦；蘆薈有滋潤、消炎功能。青島一帶人們每每入秋時分，就喜以此糖水作滋潤補身之用。青島人不嗜太甜糖水，所以習慣在煮好的糖水內放入一丁點鹽，以減低糖水的甜味和膩口。而且他們又習慣連同蓮子芯一齊煮，不習慣的港人可能會覺得有一點甘苦味，未必接受。
用咩料：
蓮子 2両
銀杏 2両
蘆薈肉 3両
冰糖 12両
鮮百合 2両
