黎姿日前與近百位長者預早歡度中秋節，大派月餅及生果。雖然歡聚的時間短暫，但黎姿的心意已令他們十分感動，有幾位婆婆更眼泛淚光，離開時紛紛與黎姿握手及影合照，場面溫馨。
黎姿日前往竹園區神召會慈鳳長者鄰舍中心，與多位長者共度歡樂時光，大派月餅和生果，唯一美中不足是公公婆婆要求黎姿唱歌，但由於她為無綫新劇《金枝慾孽》趕通宵戲，聲線變得沙啞，無法滿足他們的要求。
黎姿說：「一個月餅或者一個生果只係好小意思，但佢哋已經好開心，其實係因為嗰份關心。有啲獨居老人得唔到人關心，我希望可以多啲人關注老人家，畀大家知唔係用錢就可以令佢哋開心，所以耐唔耐做吓呢類活動，關心吓佢哋，好過只係出錢。能夠花心思令到人開心，而又幫到人，我覺得好有滿足感。」
原來黎姿特別關心長者是受父母的影響，她說：「我爸爸好孝順我嫲嫲，由我識性開始就知道對老人家係要用心唔係用物質，所以做人哋仔女嘅應該識得點去孝順父母，畀多啲關懷。」不過，今年中秋，黎姿仍要開工，不能陪家人過節，她說：「呢排拍劇好忙，中秋都要開工，齣劇比我以前拍過嘅電影要求更高，搞到我壓力大又辛苦。」
採訪：魯萍 攝影：何國豪
