槍械發燒友鄭中基，日前趁着有一天空檔時間，特別到旺角「入貨」，除試射了新款手槍外，還忍不住扮型搞笑一番，擺起甫士扮占士邦說：「MyNameis邦，基基邦。」
自言由細到大都喜歡玩槍兼收藏了不少珍藏品的鄭中基（Ronald），近日雖然忙於宣傳新碟及電影《龍咁威2003》，但日前仍忙裏偷閒，到旺角的手槍專賣店搜購新貨品。Ronald踏入店內不久即看中了一支銀色短槍和一支金色的古式「牛仔槍」，還忍不住搞笑一番，擺出占士邦的經典甫士，學着對方的語氣介紹自己說：「MyNameis邦，基基邦。」
發燒友Ronald本來還想店員幫他把短槍改裝，將槍身換成鋼，但最後還是沒有拍板決定買下，他說：「其實我喺槍會見過有人用呢款槍，槍身係鋼嘅，而且重刻咗個『龍』字，但係如果我改裝要萬多蚊，一支玩具槍重貴過支真槍，所以我都係要諗吓先。」
選購槍期間，Ronald還拿起一支「牛仔槍」試射，只見他眼界甚準，六粒子彈都十分接近槍靶的紅心。Ronald說：「男仔唔係鍾意玩車就係玩槍，細個覺得揸槍好型㗎。到𠵱家我都儲咗好多槍，但大部份放喺貨倉。」
Ronald離開槍店時，碰到圈中另一有名的槍械發燒友許冠英，二人見面即雞啄唔斷地交換心得，許冠英還扮牛仔用手指轉槍。Ronald事後說：「我都唔知佢咁鍾意槍，如果第時有時間都想約佢出嚟玩，真係好想睇吓佢啲珍藏品。」
採訪：王連連 攝影：何國豪
