應釆兒、黃伊汶、郭慧、榮文蔚等人前晚往中環連卡佛出席最新秋冬時裝展，應釆兒透露她正在拍攝新片《七年之癢》，片中她需要穿上三點式泳裝，她說：「上身着bratop我重接受到，𠵱家都冇人着一件頭㗎啦，不過我同大部份亞洲女仔一樣，下身都比較肥，所以我向導演爭取到着波褲就OK。」問她既然嫌自己下身肥胖，何不進行纖體？她說：「我驚纖得過咗龍上面冇晒吖嘛！」
而榮文蔚則與鄭月明同時穿上Marni新裝出席，問她會否覺得尷尬，榮文蔚說：「都唔係第一次同人撞衫啦，我周不時同我啲姊妹撞衫，每個人都會着出唔同嘅感覺出嚟，冇乜好尷尬。」
採訪、攝影:DebbieLum