任達華琦琦夫婦昨日一同迎月，任達華更巧花心思，用數十支蠟燭，砌成大心形，又預備了白兔花燈及香茶月餅𠱁嬌妻。二人均表示十分注重節日，所以中秋節的慶祝活動長達三天，由迎月玩到追月。
任達華琦琦夫婦都是大忙人，但每逢大節日，兩人都會盡力度期。今日中秋原本有工作在身的任達華專程返港數天，與嬌妻及家人慶祝，兩人昨日在銅鑼灣先行迎月。
任達華為博嬌妻一笑，浪費地用了數十支蠟燭，圍成一個大心形，又準備了可愛小白兔花燈，加上香茶及月餅，兩夫妻提早感受過節的氣氛。
琦琦出了名食量大，但仍然擁有苗條身形，昨日她大談在不同地方過中秋的感覺，她說：「咁多年嚟，我喺家鄉維也納、上海同香港都度過中秋，上海嘅中秋節氣氛最濃厚，月餅款式重好多，有果仁、鮮肉月餅㖭。」
琦琦續說：「而喺維也納過節就最烏龍，通常中秋過咗先至知。香港過節當然最溫暖啦，有家人同朋友喺度，今年未到中秋，我已經食咗好多月餅，我又敢試新嘢，試過抹茶味同咖啡味月餅㖭。」
今年會如何慶祝？琦琦說：「我同老公今年重會一連三日慶祝中秋，迎月嗰晚就會喺屋企靜靜哋過二人世界，中秋正日就會同埋老公加上佢啲家人一齊過，老公買咗三大箱月餅，等佢媽咪送畀啲親友。追月嗰晚就會約埋成班朋友BBQ，總之就係馬拉松式慶祝啦。」
採訪：DebbieLum 攝影：ChenWaiOn
場地提供：柏寧酒店Riva餐廳
