郭可盈日前拍攝了一個內地服裝廣告，她平時最大的嗜好是購物，尤其是挑選漂亮的衣服和飾物，她形容瘋狂的程度猶如放監一樣。可盈在拍攝廣告時，亦會親自配搭衣服，以發揮獨特的創意。
郭可盈日前在廣州接拍了內地的麗潔服裝廣告，這已是她第二年跟廣告商合作。可盈表示一直最喜歡拍服裝廣告，因為可以在拍攝過程中把衣服mix&match，既可以打扮靚靚，又可以讓她發揮配搭的創意。
可盈拍攝這個廣告，一共花了八小時，不過她說：「我一共換咗約四十套衫，我覺得一邊換靚衫，一邊配襯，時間好快就過。我又一啲都唔覺攰，重愈影愈起勁㖭！」身材高䠷的可盈是穿衣服的好骨架，問她自覺身體哪一部份最自豪，可盈說：「我最滿意係自己條腰，只係有二十三吋，我雙腳都幾好，所以我都好鍾意着短裙。」
可盈表示自己平日最大開支是置裝，她又說：「我真係好捨得買衫，只要好靚，我一定捨得買。我試過買一件約兩萬蚊嘅褸，都算物超所值。」那可盈每季會花多少錢置裝，她說：「咁要視乎嗰排嘅工作，如果唔使拍劇，我就一定會大出血，好似放監咁，否則開工就唔會有時間去shopping。」可盈拍過不同產品的廣告，她還想拍甚麼廣告，可盈說：「我好想拍珠寶同鞋廣告，因為兩樣產品都可以拍得好靚。」
緊接着《美麗在望》，無綫會於下周一（十五日）播映可盈主演的新劇《俗世情真》，她說：「我都希望收視會好高，我好鍾意呢套劇，劇中我扮一名社工，幫一班小朋友，好有使命感，希望可以將啲正面訊息帶畀觀眾。」
採訪：比華利
