沙士喺新加坡翻生，但係眾人媽打李麗娟仍然唔怕，星期日走咗去淘大花園同啲沙士小朋友食飯，提早慶中秋。
媽打話，啲沙士家庭大致都回復正常生活，護幼基金第一年撥咗三百幾萬畀啲零至十八歲嘅小朋友同大朋友作為幫補，啲家庭大致都好夠使，重叫媽打佢哋唔好一次過畀太多，留番啲第日用。
媽打最掛住淘大嘅郭BB，早前同個首席新聞主任唐小姐又專登去探望一吓，郭家大姊姊名慧因獲總理溫家寶贈琴書而揚名，弟弟翔星則以重磅而令媽打「傾心」，BB已經有十七磅重，非常盞鬼。
而為咗紀念對抗沙士殉職嘅屯門醫院醫生謝婉雯同護士劉永佳，屯門區議會決定撥七萬蚊造一個青銅像放喺屯門醫院正門，出年二月可以完成。
（圖）沙士嬰兒翔星已經有十七磅，肥肥白白好健康。
傳真︰2623-9278
電郵︰