一向係工作狂嘅衞生福利及食物局局長楊永強，噚日向八方透露佢其實好想退休，重話退休之後有好多嘢想做，好似可以「造人」咁話。八方聽到之後即時瞪大眼，以為局長想生個BB；一向唔多明廣東話嘅局長，結果要衞生署署長林秉恩解釋造人嘅意思，之後即刻耍晒手話唔係咁嘅意思，係退休之後可以做自己想做嘅嘢。
咁邊啲嘢局長最想做呢？佢話好多啦，好似游水啦、睇書啦，重有就係「唔想返工就唔返工」咁話；但就一定唔會再做全職工作，八方叫佢做議員，佢話一定唔會。
至於點解局長喺呢個時候話想退休，佢就話由做醫生開始到醫管局，再入政府做，工作都好繁重，好多興趣都冇咗，𠵱家就好想做吓自己想做嘅嘢。咁幾時退休呀？佢笑言「唔知喎」！
傳真︰2623-9278
電郵︰