曾經一人有一對的防水老牌Timberland，除了在舊年因Eminem愛鞋之名被捲入潮界煲咗一輪，近期又再沉寂。不過任何老牌去到㗎仔手裏，都總有脫胎換骨之效。就好似Timberland藉着誕生30周年，兼在東京銀座開設亞洲旗艦店之際，搵咗日本「五人幫」幫Timberland去「黃」翻新，新產品令人眼前一亮。呢「五人幫」分別為藝術家日比野克彥、攝影師森山大道、電腦平面設計師田中秀幸、音樂家高橋幸宏以及本港潮人熟識不過的男演員淺野中信，佢哋齊齊喺「Seekout」的主題下發揮個人創意，設計出五款全新Timberland。每對限量30雙，9月19日銀座開張誌慶有售。我哋《蘋果日報》已經派出記者去直擊呢件盛事，想睇吓新鞋有幾掂？留意我哋嘅現場報道啦！
記者：余敏