由曾志偉監製及主演的電影《大丈夫》，已安排在中秋檔期上映，志偉近日落力宣傳，他昨日便率領同片演員杜汶澤、李蘢怡（Tiffany）、原子鏸和內地演員賈宗超等，連同六十位工作人員到銅鑼灣大巡遊，當大隊行至崇光門口時，志偉更向途人大派月餅。
事後志偉邀請了約一百名好友吃飯，飯後再一起出席首映禮，志偉說：「為咗呢部戲我都好落力去宣傳，單係今日嘅巡遊就用咗十萬蚊，雖然今日巡遊人數比較多，但一早申請咗，所以警方都有派人嚟現場維持秩序。」
此外，Tiffany昨接受新城節目訪問時，對於日前被拍下與賈宗超在蘭桂坊冒雨相聚一事，她說：「我覺得係笑料一則，我哋之前喺北京由志偉介紹認識，但只係朋友。」再問Tiffany日後與賈宗超可會有發展機會？她說：「呢樣有保留，但唔會刻意避忌，份報道講到我好似冇人追咁，其實我𠵱家都有人追，係圈外人嚟嘅。」而賈宗超亦否認與Tiffany拍拖，不過他就大讚對方說：「她很可愛，但我們只是朋友。」
採訪、攝影：馮美茵、何永寧