響昨日開幕嘅德國法蘭克福車展，除早前同大家介紹過嘅新車，如歐寶Astra及平治SLRMcLaren於場內展出之外，就連日產一款Dunehawk概念車，亦備受在場車迷注目呢！
呢款全天候SUV路線嘅全新日產Dunehawk概念車，當中極富肌肉感嘅車身線條，以及極具懾人魅力嘅車首設計，全都能將車迷深深咁吸引住，而且重能夠凸顯出一份全天候SUV應有嘅剛強個性。與此同時，車內裝潢亦好有吸引力，除表板布局配搭簡潔清晰外，四周重有銀白面板裝飾配襯㖭！車廂空間亦見寬敞闊落，遇有需要時更可將後排座椅收摺放平，以增加尾廂載物容量，當然唔少得重有敞大天窗配搭啦！然而，Dunehawk一套四驅系統亦屬全新設計，不但能克服任何路面外，匹配一台輸出強勁嘅引擎，亦能令車子有出色嘅行車表現呢！