關秀媚的舊愛錢嘉樂昨日在電影活動上，談及關秀媚日前被裁定串謀妨礙司法公正罪成，暫時還押大欖懲教所看守。錢嘉樂表示上山詩鈉已聯絡關秀媚的好友在判刑當日上庭支持，並希望法官可以從輕發落。
關秀媚日前被裁定串謀妨礙司法公正罪成，暫時還押大欖懲教所，下周三（十七日）將再上庭接受判刑。關秀媚的舊愛錢嘉樂昨日偕女友李珊珊到尖沙嘴出席「香港電影製作投資發布午餐會」，嘉樂表示上山詩鈉已聯絡一班好友在判刑當日上庭聽審，以支持關秀媚。
錢嘉樂談到關秀媚時說：「我其實都託咗上山將慰問卡帶畀關秀媚。我覺得咁樣做（指還押大欖懲教所）重咗啲，有好多方法可以解決，佢最大問題係飲酒做錯事，唔係罪大滔天冇得彌補。事實上佢都受到教訓，見佢喺懲教所入面嘅囚衣樣見咗報，係咪需要再判咁重？但我都支持法律精神。」
錢嘉樂表示上山詩鈉打算相約朋友在關秀媚判刑當日上庭聽審，他說：「係到場支持，唔係聲援，我哋唔會喊口號，朋友用行動支持啫！」
錢嘉樂續說：「好彩佢平時做咗個好人，有事好多朋友幫助。關秀媚一個女人面對人生一個大改變，佢好需要朋友支持。」錢嘉樂又表示關秀媚還押懲教所前彼此均有聯絡，他說：「佢當時好擔心，我贊成發哥（周潤發）講要忍一忍，麻煩就冇（忍一時風平浪靜），當係磨練。佢日前上庭嗰陣想低調啲，叫我哋唔好去。」
此外，上山詩鈉和梁琤昨午二時多，到大欖懲教所探望關秀媚。問上山是否打算聯絡好友聲援關秀媚，她說：「我唔知乜嘢叫『聲援』。我𠵱家每日只係諗住關秀媚呢單嘢，佢嘅心情日日都一樣，都OK啦！」
採訪：魯萍、王崇穎
攝影：何國豪
