日前黃伊汶（Emme）出席港台「普通話節2003」時，騷了一個DIY襟花，又佩戴了一隻價值$1,200的水晶戒指。
Emme表示由於平時十分喜愛收集首飾，她說：「呢隻戒指係喺Swarovski買嘅，因為我好鍾意閃閃發光嘅嘢，加上喺台上跳舞時有啲飾物襯托吓會好睇啲，燈光一射住嗰陣，重會特別閃呀。」
而Emme亦喜歡DIY，她會將舊衫的襯花加在波鞋上，她表示：「由於啲衫着過一次，就唔可以再着出嚟見人，我覺得將啲衫放埋一邊好浪費，所以好多時我都會睇吓啲舊衫上面有啲乜嘢特別裝飾，咁之後我就會剪落嚟DIY，好似我呢對Converse波鞋上面加咗個黑色襟花，咁就會令對鞋變得獨一無二啦！」