若然各位有留意開世界車壇動態的話，相信定必曉得嚟緊呢個星期中，兩年一度被譽為係車壇盛事之一嘅德國法蘭克福車展，將會正式舉行。遺憾開幕日期正是9月11日，相信大會保安工作定必做到足之餘，車迷響多款新車鋪天蓋地下首展，內心嘅陰影亦會隨之而去；講番今次車展，香港一眾歐洲車代理商亦甚為緊張，重廣邀咗唔少本地汽車傳媒前往，當中德國平治嘅傳媒團亦見聲勢浩大，佢哋響當地時間9月8日，重率先前赴平治SLRMcLaren嘅晚宴，一睹呢部媲美保時捷CarreraGT同EnzoFerrari嘅超級跑車風采㖭！據我哋特派記者嘅消息話，晚宴過程既神秘又隆重；咁又難怪，皆因呢部SLRMclaren跑車，可算係車廠省招牌之作，可惜投產嘅只有左軚型號，香港車迷只能作收藏精品呢！然而，今趟盛會又豈止得幾部SuperCar撐場呢！車迷想第一時間親睹現場實況？咁就要留意我哋嘅報道喇！