糖王郭鶴年旗下嘅公司香港嘉里建設噚日公布半年業績，錄得五億九千萬元虧損，不過，呢條數好濕碎，而且絕對唔影響佢老人家嘅地位。
話說八方朝早睇新加坡《聯合早報》，有一宗新聞同佢老人家有關，該報引述當地福州會館主席林理化稱，糖王應承今日到會館，同年輕一代嘅鄉親面授創業機宜。
原來八十歲嘅糖王係該館名譽顧問，今次會館主辦創業經驗交流會，因此即使佢老人家近年已相當低調，今次都要破例。林會長重話，糖王二話不說就答應，令佢覺得相當榮幸，但演講日期要上周末先決定，所以比較倉卒。各位福州鄉里，千祈咪走寶。
傳真︰2623-9278
電郵︰