響即將舉行嘅法蘭克福車展上，福士車廠除會展出備受車迷注視嘅新一代福士Golf車系之餘，同場亦會展出全新、並走Roadster開篷跑車路線嘅ConceptR概念跑車。
車長達4160mm嘅ConceptR概念Roadster，不但擁有Roadster跑車常見嘅流線型設計外，當中全新頭燈及鬼面罩組合，響一套巨型跑車合金胎軨襯托下，完全將其狠辣一面展露出來。與此同時，車廂布局亦見有一份CyberFeel，而且又見乘坐舒適度高，絕非一般Roadster所能媲美。
不過，最吸引會係一台能迸發出265匹馬力嘅V6偈，兼用上中置設計，0至100公里加速度僅5.3秒，而極速更可達250km/h咁快㖭！