蘋果讀者彭先生投訴，他早前前往東華三院黃大仙醫院探望家人，但他駕車到達醫院後，始知悉院方仍未恢復提供訪客車位予病人家屬，十分不便。他不滿地表示：「之前話非典型肺炎嚴重嗰時咁做我都明白，但𠵱家疫情都受到控制好耐啦，重唔開放番啲訪客車位，真係好唔方便。黃大仙醫院喺沙田㘭道，好多人都知條路好斜，而且附近又冇車位，要行落去鳳凰新村先有位泊車，行上行落真係好辛苦。」當日他須駕車至鳳凰新村，泊好車輛後復沿斜路步行上黃大仙醫院。
東華三院黃大仙醫院回覆本報查詢時表示，早前爆發非典型肺炎，醫院為執行防感染措施，故亦暫停使用訪客車位。於今年八月初，醫院開始實施有限度探訪，並會於稍後時間檢討如何安排訪客車位，以平衡醫院運作及訪客的需要。﹙○八二五○九九﹚
服務熱線
電話:29908288
傳真:23702192
電郵: