董建華去咗廈門短短二十四小時，見埋吳儀同全國各地商家，最奇係開幕禮後阿董參觀香港展館，又受到內地人民熱烈歡迎，個個湧埋去，連香港記者都埋唔到身。比起喺香港睇練波都俾人噓，真係天淵之別。相信阿董喺香港受到傷害嘅弱小心靈一定好安慰，唔怪得佢下午三點幾一飛返香港，就同董太分開兩架車分道揚鑣，抖擻精神趕返特首辦開工。其實董生有冇諗過，返內地做領導係咪好過喺香港做特首呢？
總之董生就不枉此行，不過佢身邊有個人就受到委屈，呢個係特首私人秘書葉文輝。話說噚日喺投資洽談會儀式上，人人都有位坐，惟獨葉秘書落空，冇人得閒理佢，葉文輝惟有選擇全程坐喺地下，結果呢個趣怪場面被香港記者攝入鏡頭。
（圖）阿董一落機就同董太分道揚鑣，即刻返工。
傳真︰2623-9278
電郵︰