早婚歌姬宇多田光好耐冇蒲頭，反而佢嘅有錢老公紀里谷和明前日就開咗個成七十萬港紙嘅記者會，宣布其處男電影《CASSHERN》開拍啦。唔知紀里谷係咪響咗光妹個朵，竟然請到唐澤壽明、伊勢谷友介等大卡士主演，重話明春上映時會搞個荷李活式首映。不過紀里谷強調光妹喺行動同金錢上冇支持佢，只係精神上鼓勵佢咋，不過據講光妹可能參與電影音樂部份喎！