自從曾俊華榮升工商及科技局局長之後，佢之前喺房屋及規劃地政局嘅常任秘書長一職一直懸空，近來有傳聞話會由社會福利署署長林鄭月娥頂上。八方老友噚日喺北京見到林太，一同佢提起呢件事，佢馬上話：「冇咁嘅事，我未收到通知，呢啲嘢你問公務員事務局啦！」不過見林太紅光滿臉，又係政府嘅好人才，升職一啲都唔出奇。
八方老友噚日重再次見到同林太一齊上京參加中國殘聯大會嘅方敏生，佢哋成班人前晚深夜去咗朱幼麟北京間四合院玩，方敏生噚日講開都讚不絕口，話好靚，好金碧輝煌喎。
（圖）提起升職一事，林太即刻話：「冇咁嘅事。」
傳真︰2623-9278
電郵︰