玩具大王蔡志明較早前買入羅旭瑞嘅富豪東方酒店，日前又增持位元堂股份，由於持股量已達到要公布嘅地步，所以佢噚日就叫齊各大報章記者，到佢位於上水嘅總部開記者會。
八方踏入佢公司樓下已經見到兩架型到痹嘅跑車，一架係八方發夢都唔敢諗嘅「幽靈之子」（PaganiZonda），另一架就係八方嘅dreamcar、林寶堅尼最新型號Gallardo。
蔡志明話，架Gallardo車價三百六十萬元，落地個幾月，暫時香港只有幾架。至於架幽靈之子，落地半年，蔡志明猛話抵買，「我買嗰陣時只不過四百萬元，𠵱家加咗稅，要成五百幾萬。」
傳真︰2623-9278
電郵︰