剛啱抵港嘅BridgestoneTuranzaGR-80輪胎，係以針對中型轎車需要而設計，既寧靜又有高嘅對地抓着性。早前筆者更獲得廠方邀請，前赴日本實地測試㖭！響各個不同測試環節中，更體會出一絲不苟嘅製作精神，又難怪廠方對新輪胎信心十足啦！
記者、攝影：陳偉林
鳴謝：同成有限公司（25256313）
逢星期一至日出版
若你發覺上緊尾翼嘅螺絲（見圖）滲水，並有滲入尾廂嘅迹象，可到文具店或家具用品店，購買一包泥膠狀嘅「告示貼」，並用少許黏實每口螺絲周邊，便可將問題解決；但響黏之前最好先將尾翼螺絲收緊，因尾翼螺絲好多時會因日子耐咗而鬆開，假如螺絲未收緊，即使黏咗亦唔會有好效果，二來行車時尾翼亦會不斷發出震動聲音。
每次將車加速至60km/h後，放開油門好讓部車慢溜滑行，用耳朵聆聽車廂有否傳入路噪嘛！
同樣安排咗兩部同型號車輛，分別裝上全新BridgestoneTuranzaGR-80輪胎，以及同級法國牌子輪胎作比試，響特定範圍內繞過雪糕筒做成嘅障礙物，以測試兩者對地抓着力。
普通駕駛者可能認為走圈係一件簡單事，若然要你響濕滑路面上以均速走圈，原來係好講技巧，兼且重要四輪車胎有上佳排水力及抓着力，若一不留神大踏油門，只會令部車跣出去，變成手畫圓圈易過走圓圈㗎！
整項測試難度至高，相信會係呢個項目，皆因新款TuranzaGR-80屬全天候輪胎類別，而並非高抓着性嘅跑車胎，就連試用車款又屬標準化嘅四門轎車，要響彎道變化不同嘅路段，保持行車順暢平穩，可謂殊不簡單。
每款輪胎均有其特性所在，而呢款剛研製成功推出市面嘅BridgestoneTuranzaGR-80系列，所針對為要求有全天候對地抓着力，又要符合寧靜嘅中型轎車用家；響四個測試環節嘅實際體驗中，新款GR-80輪胎較原有型號均有突出嘅改良，而比較起另一款同級法國製輪胎，明顯有更佳抓着性同寧靜度，加上代理定出合理嘅售價，確實值得用家去嘗試，但稍嫌現有GR-80輪胎尺碼，僅提供13至15吋型號，對較大嘅車款而言，惟有選擇另一款TuranzaER-50好了。
過往，世界一級方程式車賽，各車隊所用嘅賽車胎，就只得法國一家輪胎生產商供應，直至近年方轉由日本Bridgestone提供；而2003年度參賽車隊卻分有兩大陣營，分別採用法國某牌子輪胎，以及由日本Bridgestone所供應，可算係賽車場上嘅另類較量。
響場館嘅入口，擺放有一條套上合金軨嘅輪胎；細看之下，原來係Bridgestone自1930年起，直至2001年8月20日，生產出第20億條輪胎，並以資紀念咁話喎！大家不妨估吓呢條輪胎屬哪個型號？原來係香港車迷，尤其係飆車一族所熟悉嘅PotenzaRE-01，尺碼為215/40R17呢！
