每逢假期又或是天朗氣清的日子，將軍澳工業邨都會成為模型飛機的領空。五、六架直升機和小型飛機不斷在半空中盤旋和滑翔，發出「呼呼」的聲音。飛車黨飛車，他們就選擇了放飛機，雙眼緊盯自己的私家機，飛機在天空做出各種的花式，玩家的臉上亦掛了一個滿足的笑容。
周公子、阿堅、阿明和勝叔是模型飛機發燒友，經常相約齊齊放飛機，比拼一下飛機的外觀和速度。將軍澳工業邨是近年新興放飛機的熱門地，他們會在下午五時許帶齊私家機和所有配件如遙控器、起動器、模型飛機專用汽油等到空曠的草地大過遙控飛機癮。
現時香港模型店出售的模型飛機，由幾百元到幾千、幾萬元不等。模型飛機主要分為電動及汽油兩種，電動機價錢較平，且較容易掌握，適合初學者。汽油機價錢較貴，但勝在馬力夠勁，但較難操控，要求較高技術。初哥可以買架五百多元的發泡膠機玩，發燒友當然要求高啲，玩汽油和摩打發動的大機，甚至自己動手改裝，好像改裝私家車般，狂熱程度可想而知。
裝好引擎的模型飛機由一個遙控器控制，用模型機專用的汽油，初學者別以為好簡單，要控制自如都好講技巧。很多人第一次玩就想玩360度旋轉，結果很容易失事墜機，跌落草叢。其實單是起飛和降落都好講技巧，不能心急。一般模型飛機的飛行速度每小時有40-50km，質素較高的可以達每小時100km，甚至可快至每小時300km，速度可媲美一般的私家車。由於放飛機時，雙眼要緊盯飛機，玩十分鐘已經好累。
初學者最好參加基本課程，千多元已經有專業教練教你玩，還提供模型飛機，玩完後才決定是否要買私家機。
地址：油麻地東方街5及7-8號地下
電話：23840003
營業時間：平日10:30am-8:00pm；星期日1:00pm-7:00pm
試飛課程費用：模型飛機四日課程：$1,500（包借用器材及場地）
模型直升機四日課程：$1,800（包借用器材及場地）
放完飛機大可去附近坑口村嘅「食得妙」醫肚，呢度一向都有不少明星幫襯。這裏的避風塘炒蟹絕不比灣仔的橋底炒蟹遜色，喺越南生長嘅蟹近鹹淡水之間，大大隻肉質鮮甜。經過秘製嘅蒜茸辣椒「加工」調味後，入口惹味。
食得妙海鮮火鍋飯店
地址：將軍澳坑口村30號地下
電話：23355638
營業時間：12:00nn-1:30am
「杜鵑」吹到正，香港天空風箏學會主席陳健泉依然興致勃勃去銀線灣放佢自製的「馬來西亞」月形風箏，一於向颱風作出挑戰。當日風勢非常大，用纖維紙自製的風箏究竟掂唔掂，結果係風箏未損，但卻斷了線被吹到老遠了。
DIY風箏一啲都唔難，最緊要係製作前的準備工夫做得足，要預備纖維紙、竹子、萬能膠等，咁就可以輕輕鬆鬆創作風箏。呢隻「馬來西亞」月形風箏，狀似小鳥，有兩翼及小尾，方便風箏在飛行時，保持流線型及平衡力。
香港天空風箏學會
網址：
電話：26973836
銀線灣廣場有間專做泰國菜加潮州菜的食店，最近推出一款「曹池汁大頭蝦」。呢個泰國汁料，辣辣哋、酸酸哋，入口彈牙鮮味，送飯一流！
桃源軒
地址：清水灣銀岬路銀線灣廣場7樓
電話：23351323
營業時間：11:00am-11:00pm（星期一至五）、10:30am-11:00pm（周六、日）
酷愛玩「空中遊戲」的立法會議員朱幼麟教路，最熱門玩滑翔傘的地點係石澳，想玩的話一定要跟滑翔傘飛行導師一齊玩，又或者到外國參加有關的課程，取得合資格的滑翔傘飛行導師執照後就可以隨時飛啦！
邊度有得玩：
Qtimes（28071481）
地址：中環荷李活道53-55號添福商業中心6樓B座
雙人滑翔傘價錢
$900（周六日及公眾假期）
$750（周一至五）
不妨試吓呢個開胃前菜，蛋網裏是蝦和罐頭鮑魚片，加入味道濃烈的香茅，入口口感特別。
石澳樂園
地址：石澳786號
電話：28094165
營業時間：11:00am-11:00pm
