踏入初秋時分，天氣逐漸轉涼，患癌的六十三歲李伯，正為沒有電熱水爐沐浴而煩惱。「𠵱家身體唔同往時，夏天都要沖熱水涼，更何況冷天，不過剛剛部熱水爐壞咗，我都好擔心。」李伯一臉愁容地說。
孑然一身的李伯，從事飲食行業三十多年，直至四年前因為發現患上肝癌才被迫提早退休。「其實我身體一直都好好，只不過有一次剝牙無端端流足四日血，醫生覺得有啲唔妥，要我去檢查，點知一驗就發現血裏面有癌細胞，後來證實係肝癌。」由於腫瘤接近肺部，無法進行切除手術，李伯這些年來僅靠藥物控制病情，猶幸目前情況尚算穩定。
李伯慨歎：「𠵱家冇嘢怕，最怕就係肝痛，早兩日我先痛到要打九九九入醫院，所以平日我都好小心保護身體，飲食清淡啲，同埋盡量唔畀自己冷親，否則手尾就好長。」可惜，在這個轉季的日子，李伯正欠缺一部熱水爐。
李伯稱，家裏原有一部用了多年的熱水爐，惟月前開始出現漏電的情況，令他不敢使用。「個熱水爐每次一開就『o劈o劈啪啪』聲，重有火花噴出嚟，好得人驚，所以今個夏天我都係用水煲煲水沖涼，但天氣開始涼，再係咁會好唔方便。」退休後的李伯以綜援金維生，經濟捉襟見肘，確實無力自掏腰包購買一部價值數以千元計的電熱水爐，有待善長施以援手。
捐款編號：C1092
暖流熱線
電話：29908688
傳真：23702192
電郵：
網址：