近日戴了不少水晶手鏈、又有人在其寓所半夜化寶的梅艷芳，前日終於承認患上子宮頸癌。陳小春的母親亦曾有傳患癌，他前晚奉勸阿梅病向淺中醫，不要迷信，但呂良偉卻建議阿梅到內地找神醫治病。
梅艷芳前日公開證實患了子宮頸癌，她表示會堅強面對，要打勝這場仗。阿梅患病期間，經常戴多串水晶手鏈出席公開場合，阿梅在家休息時，又被發現有人在其寓所天台化寶祈福，而陳小春前晚在無綫將軍澳電視廣播城為《勁歌金曲》錄影時，則表示有病看醫生，才是最有效。
小春相當關心阿梅的病況，而他的母親早前被傳患上肝癌，小春說：「世界之中好多高人，有啲人中西醫合璧治療會對個病有幫助，其實香港好多人有都巿病，所以要開心啲。正如我媽咪以前都有病，有病一定要信醫生，唔通信棵樹就會好番咩？好似陳伯嗰啲係冇科學根據。」
那小春是否不信風水命理？他說：「我會信，但有病要睇醫生，我覺得治病嘅方法係要活得開心啲。我媽咪之前患病，佢令我得到啟發，就係要開心，唔好諗咁多嘢。」
不過呂良偉前晚與太太楊小娟在銅鑼灣出席Loewe派對時，卻跟小春唱反調，他欲介紹一個北京女神醫給阿梅，呂良偉說：「呢個女神醫係我老婆嘅親戚，佢醫好過好多奇難雜症，包括癌症。試過有個朋友流鼻血不止，俾神醫摸一次個鼻就收血，第二次摸就好番啦，我遲啲會打電話畀阿梅，睇佢有冇意思上北京醫病。
「呢個神醫係唔收錢嘅，要睇你同佢有冇緣份，去得睇佢就要信佢，因為咁樣電波先至相同，要醫幾耐都唔知，因為要視乎病者嘅感應，不過話到尾都要睇阿梅信唔信先啦。」
採訪：卓寶花、林妙萍
攝影：陳偉權、甄朝健
