鄧健泓（Patrick）昨日與一班義工到華懋護老院探訪老人家，他更即時獻唱經典名曲送給老人家。Patrick亦細說與父親的一段恩怨，他說：「佢六年前一走了之，我都唔想用『老竇』嚟稱呼佢。總之有個衰人走咗，聽聞重好似同人生埋仔，唔知佢抱住個仔時有冇諗過我哋。」
Patrick因此誓要做一個負責任的男人，他續說：「我最想係一直照顧媽咪同婆婆，唔想佢哋入老人院，雖然第時結婚都想有自己嘅天地，但係我嘅夢想係買樓畀媽咪同婆婆，等佢哋可以有一個安樂窩。」Patrick透露若非其父撇下他們不顧，現今已可供樓自住，他說：「其實佢未正式同媽咪離婚，所以遲啲我會搵律師搞。」