鄭伊健前晚以「自然基金海洋大使」身份，到禮賓府出席「自然基金公司會籍頒授典禮」，對於近日有報道指伊健專程到跑馬地買菠蘿包給女友梁詠琪（GiGi）一事，他自言當天是去逛跑馬地的寵物店，更處處維護女友，希望記者不要把GiGi寫成「惡女友」。
鄭伊健前晚到禮賓府出席「自然基金」活動，被問到有關他日前專程到跑馬地買菠蘿包給女友梁詠琪一事時，伊健說：「我嗰日只係去跑馬地睇貓，咁我肚餓就自然去買嘢食啦，不如叫寫嗰篇嘢個記者轉行去寫劇本啦。」
問到伊健是否一個體貼的男友時，他笑說：「梗係唔係啦，我只係普通男人一個，你哋唔好再寫到我女朋友咁惡啦，佢好好㗎，佢忙到連食飯都冇時間呀。」
此外，梁詠琪昨日到奧海城出席「月滿抱童心」月餅慈善義賣活動，更即場自掏一千元以示支持。不過，GiGi對於有周刊指她日前出席《太陽計劃》期間，雖然下大雨仍禁止工作人員及記者上車避雨和做訪問一事，則表現得十分勞氣。GiGi說：「我真係好勞氣，嗰日公司兩位工作人員只不過係跳咗上最近嘅一架貨車避雨，之後佢哋都上番我架車，而且佢哋都話冇記者要求過要同我做訪問。」
而對於伊健到跑馬地買菠蘿包給她一事，GiGi說：「我都問過伊健幾時發生呢件事，後來我先知當日我根本唔喺香港，不如個記者作大啲寫佢速遞畀我吖。」
採訪：李珮洳 攝影：何國豪
