梅艷芳前日召開記者會公開承認身患子宮頸癌，並表示自己會勇敢面對，阿梅的一眾好友如成龍、劉德華、鍾鎮濤、楊紫瓊、張學友、鄭秀文、許志安和草蜢等，為表示支持，特意陪同阿梅一起出席記者會面對傳媒，而好友譚詠麟（阿倫）、曾志偉、蘇永康及草蜢等，前晚又專程往探望阿梅，在精神上給予她安慰和支持。
前晚約九時，阿倫駕車抵達阿梅位於港島恒安閣的寓所，半小時後曾志偉亦駕車到達，至十時過後，蘇永康、蔡一智、蔡一傑和蘇志威先後到達，眾人一直陪伴阿梅，除曾志偉於深夜約十一時半離開外，記者守候至午夜時分，仍不見其他人離去。
阿倫昨日接受本報電話訪問時說：「我噚晚係同志偉去咗阿梅嘅屋企，我哋一齊打邊爐，大家對於阿梅嘅病情唔使咁擔心，當事人已經交代咗件事，作為朋友我亦唔想講太多。阿梅係香港好資深嘅藝人，香港人對佢有一種好特別嘅情懷，阿梅好堅強，佢呢種不屈不撓嘅精神好代表到香港人，所以大家香港人都應該支持佢。」
採訪、攝影：何永寧、娛樂突發組
