溫碧霞和蔡曉儀前晚齊往尖沙嘴出席「華麗霓裳之夜」，二人更穿上性感服裝行天橋。曾有多次行天橋經驗的溫碧霞說：「我覺得行天橋嘅感覺好好，我呢次行騷都冇講錢，做嘢唔係計呢啲，老公一向都好支持我。」
溫碧霞又表示現正斟介拍攝一齣內地劇《火玫瑰續集》，她說：「我重傾緊會唔會返內地拍呢套劇，內容會話『海潮』呢個角色因為喺內地失意，最後返上海發展，雖然《火玫瑰》呢套劇係無綫嘅版權，但內地會同無綫傾用番個劇名，詳情我就唔係太清楚。」
問到溫碧霞希望跟哪一位男藝人合作時，她說：「套劇嘅男主角係邊個我未知，不過我好想同金城武合作，佢好靚仔，好難度期。」
採訪、攝影：王崇穎