陳慧琳（Kelly）前晚到無綫將軍澳電視廣播城錄影《勁歌金曲》，昨日她亦連走三場，先在荃灣出席派月餅活動，其後再到沙田出席商台的「為夢想找一個承諾」活動，晚上又在灣仔出席商台的音樂節目。
Kelly的助學基金有意在內地貴州興建學校，並打算把學校命名為「翰琳院」，碰巧她的弟弟叫陳思翰，對此Kelly說：「我哋做過調查，貴州嗰度好需要學校，暫時都未預計起間學校要幾多錢，至於改名『翰琳院』，係因為以前啲狀元都係喺呢啲地方（翰林院）考試。不過係咪改呢個名都要同其他捐款者商量吓，大約一、兩個月就會動工，呢次主要受惠嘅係鄉村嘅小朋友，估計都有幾百個。」
那麼學校建成後，Kelly會否前往視察？她說：「我都會去視察，鼓勵吓大家，但就冇時間兼任校長，因為要花好多時間，我都會畀啲英文漫畫佢哋睇。」
採訪、攝影：王連連