喺香港大學畢業、就快離開電訊盈科嘅張永霖噚日出席中文大學一個叫做「傑出商管學生會」做演講嘉賓,向在場過百個中大學生透露心底話,佢話如果有得從頭揀過,就寧願揀讀中大,即時令中大副校長鄭振耀開心到四萬咁口。
不過,開心要付出代價,話說張永霖講到大學生活嗰陣,力主學生一定要住宿舍,咁先係真正嘅大學生活,有學生此時擰擰頭,表示冇宿舍住。張永霖即刻擺鄭校長上枱,追問鄭校長學生住宿舍咁小事應該冇問題,鄭副校只好苦笑點頭,場面鬼咁尷尬。
計八方話呢位打工皇帝咁多錢,又講到自己咁鍾意中大,咁不如捐啲錢去中大起多幾幢宿舍咪重好,出名之餘又可以幫到學生,呢個提議係咪幾好呢?
(圖)張永霖雖喺港大畢業,但佢話如果有得揀,就寧願讀中大。
傳真︰2623-9278
電郵︰