談戀愛往往令人產生不自覺的改變，一旦中招，你的生活習慣、個性、品味以致喜好，也會隨着對方改變，更往往連自己都察覺不到。想知道在愛情的角度裏，自己屬於何種戀愛類型？在愛情路上，又有甚麼致命傷會做成戀愛障礙？無謂多講，提筆答妥以下問題，十分鐘後即有答案。
Q1.你在精品店見到一件喜歡的擺設，但價錢高出預算，你會:
(A)來回多次，博老闆自動減價。
(B)游說朋友一齊去，再叫老闆畀折扣。
(C)直接同老闆講價，價錢唔啱就算。
Q2.當你去好友屋企作客，伯母拿出一碟你睇到都好惡心的炒魚片叫你食，你會：
(A)「唔好意思，我天生對魚類過敏。」
(B)「好吖！」
(C)「對唔住，我唔係好敢食。」
Q3.當你在士多買完零食返屋企，發現老闆竟然找少五蚊，你會：
(A)心諗：「算了，五蚊買份報紙都唔夠啦！」
(B)下次幫襯時先再提番起件事。
(C)憤怒，覺得受騙，即刻落樓向老闆取回五蚊。
Q4.當朋友着了一件紫色新衫，你認為最能感動他（她）的一句話是：
(A)「嘩！隻紫色好Sharp呀！」
(B)「嘩！你今日着得好潮呀！」
(C)「嘩！你件衫好靚呀！」
Q5.你和情人下樓到公園散步，落到樓下才發現下着細雨，你會：
(A)「等等，我返上樓拿雨傘。」
(B)「真係好，你睇吓雨中散步幾有Feel！」
(C)「算了，下次再去啦！」
Q6.你要在三個追求者中挑選一個，但三人各有缺點，你揀誰？
(A)樣樣都好，但不幸做了負資產，重欠下大堆卡數。
(B)有錢、風趣、年輕，成個翻版吳彥祖咁款，但係勁花心，鍾意四圍滾。
(C)平凡唔起眼，見十次都唔會有印象，但為人正經老實，擔屎唔偷食。
Q7.玩ICQ時遇着陌生人同你搭訕，你會：
(A)傾幾句，覺得啱Feel才交換E-mail。
(B)欲拒還迎，得閒先同對方交談。
(C)一於睬佢都儍，完全唔回應。
Q8.如紅色是代表愛情顏色，你想原因是：
(A)無乜原因，只是感覺。
(B)心臟係紅色，而心係感情的泉源。
(C)紅色鮮豔，正好代表愛情的狂喜。
Q9.你和剛交往的情人打算去睇電影，你會提議看：
(A)愛情片，希望能憑片寄意，表達愛意。
(B)恐怖片，睇到緊張時，就成隻八爪魚咁黏住對方。
(C)笑片，希望藉着笑聲拉近彼此距離。
Q10.若情人開口講到明討厭你某個朋友，你會：
(A)瞞着情人繼續跟朋友聯絡，之後再搵機會為朋友講好說話。
(B)完全唔理會情人的抱怨，繼續跟朋友來往。
(C)發揮重色輕友本能，從此跟朋友斷絕來往。
【0分-6分】思想開放性格派
你是個對愛情會主動爭取的人，夠膽坦白向對方示愛。雖然閣下思想開放，係時代女性，實際你認為愛情只是生活上的點綴品，只會用理性與冷靜來對待愛情。
致命傷：若你繼續抱住對感情玩玩吓的態度，不能用「心」去愛，永遠也不能體會骨銘心的愛情。
【7分-13分】熱情如火行動派
你擁有最純潔與直接的愛情，還好直接咁向對方表達愛意。不過太單刀直入有時好易嚇怕人，但因自尊心極強，只要對方猶豫，你就立刻收手。
致命傷：你對愛情好有憧憬，對情人亦絕對忠誠，但只一味亂衝，好易令自己受到傷害，所以應該保留點理智。
【14分-20分】愛情至上唯美派
閣下是天生愛情狂，特別容易墜入情網及無法自拔。雖然執着堅定的信念會令你在情場上無往而不利，只是一旦失戀，就要比別人更長的時間才能撫平傷痛。
致命傷：唯美派的人會較易感受愛情強烈的喜悅，但記住盡可能減少不切實際的幻想，面對現實才是上策。
