黃伊汶（Emme）早前與二十名會考狀元，到浮羅交怡參加《Neway讀好書》活動。
Emme透露有一日大會安排了釣魚活動，而且他們所得到的魚穫便是午餐，所以眾人都十分落力垂釣，但最終只有Emme釣得一條「魚毛」。
其後，眾人便去到一個荒島享用海鮮餐，Emme表示：「但我哋要喺一大群烏蠅騷擾底下，鬥快食海鮮。當日我哋一路食一路就要用手趕走啲烏蠅，都不知幾咁狼狽。」
此外，Emme更自爆於小學時曾經逃學，她說：「我小學時阿媽日日都湊我返學，但係我就好想試吓逃學嘅滋味，所以等阿媽走咗之後就去球場坐。有一日老師打電話畀我阿媽話我幾日冇返學，嚇到佢報埋警，之後佢去到球場，見我同一個阿伯打緊羽毛球，最後當然俾人鬧咗一餐啦。」