前廣管局主席、現TVB執行副主席梁乃鵬前幾日八號風球，都照插香港寬頻唔使攞收費電視牌，對其他經營者唔公道。八方正奇怪，出晒名串嘅香港寬頻主席王維基點解重未開聲還擊？點知噚日佢終於開口。
王維基話，一開始搞收費電視，已經追問政府「是否需要收費電視牌照」，重親自打電話畀當時係廣管局主席嘅梁乃鵬，但對方冇聽，又叫秘書指佢去搵陳育德，一輪查探後，政府覆佢話「毋須申領牌照」。之後佢哋做Demo，去睇嘅都係工商科技局、電訊管理局嘅代表，惟獨未見梁生，「但今日，梁生入咗TVB就即刻講埋啲咁嘅嘢，咁當時作為全港廣播最高監管者，究竟喺度做乜呢？」八方識佢咁耐，未見過佢咁好火，好戲還在後頭呢！
（圖）王維基為梁乃鵬嘅言論發晒火。
傳真︰2623-9278
電郵︰