曾蔭權昨日終於公布西九龍文藝區嘅發展大計，呢個佔地四十公頃嘅巨型「巿肺」，將會在二○一○年三月分階段落成。到時，位於尖沙嘴中部嘅舊文化區，包括香港藝術館、文化中心會否「退休」呢？
昨日記者會中，有通訊社記者直言，現時文化中心外觀「肉酸」，會否考慮拆咗佢改作其他用途。民政事務局局長何志平（圖）避重就輕，話「新文藝區的設施將與現有區內核心文化設施互相配合」，重無喇喇講咗去紅館嘅歷史同未來嘅安排。何局長，記者唔係問你紅館喎！八方其後同政府朋友傾起，原來佢哋有大計，係將全港文化中心分布作整體規劃，總之好強啦。重有，港府現時流行聽意見，不過投資額達二百四十億元的大計劃，被邀出席商界及文化界簡報會嘅報界代表，只有《信報》嘅林在山，其他冇份。
傳真︰2623-9278
電郵︰