呢排本地汽車市場氣氛轉好，唔止多咗人去睇車，重多咗人做新車主㖭！皆因同一時間，唔少汽車代理重推出有買車優惠嘛！之不過，亞Mark早前都話過，通常呢類買車優惠期唔會長久，有心做車主的話，就真係要早下決定喇！正如萬事得代理咁，呢輪業績可謂穩步上揚，除咗部Mazda6有唔錯銷量之外，另一款迷你CityCar嘅Mazda2，早陣子代理替部車大搞新意思、新包裝，果然惹來不少車迷嘅迴響。不過，亞Mark聽聞部Mazda21.5自動波版，下周初會由𠵱家10萬9千9車價，調升至11萬4千8，差價有成5千蚊咁多㗎！若然重想以優惠價出車，兼可得價值成6千幾蚊嘅全車AeroKit的話，就要趁呢兩日早下決定，以免買貴車就唔好啦！