郭羨妮昨日以一身性感短裙出席美容活動，十分搶鏡。對於男友溫兆倫代買女性衞生用品一事，郭羨妮表示全不知情，並笑言可能是男友買來自用。
郭羨妮和陳豪昨日往銅鑼灣出席「SaSaBeauty+男士彩光代言人」簽約儀式，郭羨妮被問及有報道指其男友溫兆倫代她買女性衞生用品一事，郭羨妮即時笑說：「有啲咁嘅事？好搞笑喎，佢係唔係收埋自己用呀？咁我就真係要問吓佢啦，其實我一直都係叫媽咪幫我買。」
問郭羨妮其實溫兆倫是否知道其女性用品已用完，故自動幫她「入貨」，郭羨妮說：「可能佢當禮物啩，佢有冇買我唔知呀。」郭羨妮甜絲絲表示與男友感情穩定，所以不會理會一切無謂報道，亦不介意情侶檔拍廣告。
活動上，嘉賓之一堪輿學家麥玲玲指郭羨妮嘴唇薄，易招惹是非。郭羨妮表示近來是非已較少，她說：「我一向都畫厚啲個嘴，不過我都係想靚啲，完全唔關相學事。」
此外，陳豪透露擔任彩光美容代言人一年，他說：「我對於今次嘅酬勞好滿意，有近七位數字酬金。如果有人搵我做纖體代言人，我都唔介意，但係拍廣告時就唔可以咁三級，要我性感都唔介意。」
對於方中信亦擔任護膚品公司的代言人，陳豪表示不怕被別人比較，他笑說：「方中信係東方李察基爾，我只不過係港姐殺手，各有各做啫。」
採訪、攝影：李珮洳
