八方最近喺立法會議員涂謹申口中，聽到一個好有趣嘅講法：話說親中人士指北京最近有一份關於香港7.1大遊行嘅分析報告，結論話造成有五十萬人上街，原因之一係有人派錢，每個人頭一百大元。
嘩，窮到燶嘅民主派會派錢？一人一百，五十萬人就要五億，除咗超人誠哥，睇怕都冇乜邊個派得起。
有人笑話，梗係左派搞活動派慣錢，所以認為人哋都係要靠派錢先有人參加。
雖然呢個講法得啖笑，但如果財爺唐英年考證過遊行真係有人派錢，不妨搞多幾次遊行，促進經濟，唔使吓吓都靠自由行。
傳真︰2623-9278
電郵︰