「我好想返學讀書，讀咗書會識字，但擔心冇鞋同校服着返學，返到學校又冇書上堂……」十一歲就讀小學四年級的小麗說。新學年開始，學童已準備上學所需的書簿，惟她卻因雙親失業，無力購買書簿及校服，連日來呆坐家中，蘋果日報慈善基金即時撥款解其困境。
記者甫進入小麗家中，便見到她與九歲的幼弟坐在地上畫畫，消磨時間，身旁四十一歲的母親阿惠向記者表示：「屋企嘅電視機壞咗，呢套畫筆係社工送，佢哋好鍾意畫畫。」
她手執着孩子的書單，憂心忡忡地續說：「有學校通知話收佢哋讀書，我梗係好開心，不過諗起要買書、買校服，起碼使幾千蚊，就覺得好煩惱；學校叫我帶啲仔女去影學生相，但我連買校服都冇錢，重點影相，𠵱家好擔心啲細路冇得讀書。」
阿惠與四十九歲的丈夫阿為在內地結婚二十多年，育有三名分別九歲至十五歲的兒女，婚後，她留在鄉間照顧孩子，其夫則來港從事地盤散工，乃家庭的經濟支柱，月入僅足以應付基本伙食。
近年，長女來港與父親一起生活，現就讀中一，惟受經濟不景影響，其父經常開工不足，去年更失業，父女現靠領取綜援金過活，經濟十分拮据。
早前，阿惠與兩名年幼孩子先後獲批單程證來港，令生活百上加斤，他們被迫向親戚借貸度日。為了節省開支，一家五口租住狹小的單位，一日兩餐僅以白粥及米粉果腹，生活捉襟見肘。
「其實食乜嘢都冇所謂，最緊要啲細路有書讀，老公成日出去搵嘢做，但好多時都冇消息，大家都為咗屋企嘅經濟都好煩，自己諗諗吓都會喊出嚟；不過，仔女個個好懂事，安慰我，叫我唔好喊，話遲啲再慢慢諗辦法。」談及此際，雙眼通紅的阿惠不停用紙巾拭淚。
年紀輕輕的次女小麗靦腆地向記者談及開學的矛盾心情：「𠵱家心情好緊張，好想快啲返學，但又驚自己追唔上。」
月前，她與幼弟喜獲學校取錄，分別就讀小四及小二，惟貧困的阿惠，實無力應付兩名孩子購買校服及書簿雜費等支出。
早前，香港聖公會九龍城家庭支援網絡部的社工把她的個案轉介予本報跟進，蘋果日報慈善基金了解她的生活困境後，即時撥款五千元，助其支付孩子的書簿費開支，減輕其經濟負擔。
捐款編號：C1090
暖流熱線
電話：29908688
傳真：23702192
電郵：
網址：
