娛樂圈中不乏抗癌勇士，成功例子亦為數不少，如李司棋、汪明荃、葉麗儀、仙杜拉、劉家良及黃霑等，均曾先後戰勝癌魔。
李司棋於九九年七月患上子宮癌，經一年多電療、化療及進行切割手術的療程後，宣告抗癌成功。
對於梅艷芳昨承認患上子宮頸癌一事，昨日李司棋接受本報電話訪問時，表示已從電視上得知此事，李司棋強調給阿梅多些時間治病，才是最重要一環。
李司棋說：「佢喺記者會上講得好好，好感動，我覺得最緊要係佢內心唔好有太大影響，畀多啲時間同空間佢，大家都幫吓忙，唔好跟佢啦，有病嘅人心情已經唔好，再煩佢就重唔開心啫。」
此外，曾患乳癌現已康復的汪明荃，昨日在電話中亦表示支持阿梅，她說：「驚乜嘢啫？都話係良性瘤而唔係惡性，好易搞番掂㗎啫，冇需要擔心，佢要放鬆心情，𠵱家要睇醫生，咁至會盡快好番。」
採訪：朱芷瑩、戴彩煥