呂良偉太太楊小娟與張玉珊，昨日結伴到中環欣賞時裝騷，對於梅艷芳在記者會上承認患上子宮頸癌，楊小娟說：「我老公就同阿梅熟啲，我哋本來打算介紹一個內地嘅神醫畀佢睇，呢個真係稱得上係中國唯一神醫，𠵱家睇吓阿梅乜嘢環境先啦。」
楊小娟續道：「我想喺度同阿梅同佢啲fans講，唔使咁緊張，有得醫嘅，只要及早醫就得㗎啦。記者最緊要錫住佢，唔好畀咁大壓力。其實女仔最緊要生活正常，應該喺二十幾歲就結婚生仔，早啲生仔患呢種病嘅機會就會低啲。」
張玉珊則表示曾想過找阿梅做修身堂代言人，她說：「知道梅姐有病都好唔開心，希望你哋尊重佢，畀啲空間佢調理身體，唔好激親阿梅。」
採訪：林妙萍
攝影：何國豪