美國樂壇周不時有新女湧現，R&B同騷靈嗰邊就大sell一班歌藝同身材並重嘅黑人女仔，而白種女仔方面，就開始爆出一啲好似AvrilLavigne嘅青春少女。新人HilaryDuff就有Avril嘅唱片監製力撐，佢嘅處女唱片《Metamorphosis》，就由最初推出個星期打上Billboard第五十五位，到今個星期已登上第二位，都算係個好開始。
Hilary除咗具備Avril嘅rock妹味道之外，樣子重有幾分BritneySpears初出道嗰陣嘅少女偶像感覺。Hilary喺新歌《SoYesterday》入面，認真反叛百厭，竟然喺沙灘攞住個望遠鏡昅男仔換衫，原來佢搵機會偷走舊男友啲衫向佢報復。
Hilary今個月二十八號先至十六歲生日。佢因為主演劇集《LizzieMcGuire》而喺美國建立知名度，聽聞有大型電視節目到時會為佢舉行生日會，今年聖誕佢亦會展開大型演唱會㖭。