無綫劇集《隔世追兇》昨日在將軍澳電視廣播城試造型，演員郭晉安、陳慧珊（Flora）、商天娥、江芷妮、鄧健泓等齊出席。
商天娥離開無綫九年，今次回巢即扮演郭晉安的母親，郭晉安說：「幾年前佢做過我家姐，點知幾年後，佢會做我阿媽。我唔怕做老角，《美麗在望》大結局時我都要扮老角，我相信商天娥都會做得到。」
陳慧珊在劇中會扮演一個傷殘人士，整天坐在輪椅上，她說：「我細個俾車撞過，整親盆骨，要成日坐輪椅，三年班嗰年冇返學，所以我都好有經驗，對張輪椅都好熟，行前退後，轉圈都冇問題，但係聽聞監製話要我坐住落樓梯，咁就真係要練。」
Flora的父母下周返港，她說：「佢哋成十年冇返香港，我都兩年冇見佢哋。」問Flora會否帶陳豪見家長，她說：「我又唔係同陳豪一齊，點解我要帶佢見爹哋、媽咪？」
採訪、攝影：楊潔雯