郭富城昨日到港台接受訪問，提到緋聞女友藤原紀香時，城城表示如果下月到日本拍電影，不排除會請對方吃飯。而城城早前拍攝新歌《錯愛的呼喚》MV時，被貌似張栢芝的女角Christie咬着嘴唇不放，當時城城的褲襠更隆起，令人想入非非。
郭富城昨日到港台接受訪問，提到緋聞女友藤原紀香在日本演出舞台劇，他說：「以一個朋友嘅身份我當然知啦，我同公司所有人已經以公司名義送咗花籃過去。」
城城透露早前拍攝《錯愛的呼喚》MV時，被貌似張栢芝的女主角Christie咬住嘴唇不放，他說：「我一見到個女仔覺得好熟口面，睇睇吓就發現佢係一個多肉啲同大隻啲嘅栢芝。而其中一幕係講佢要咬住我個嘴唇，拍之前我就畀我隻手背佢試力，可能到正式時佢好緊張，又唔知要咬幾耐，所以佢就一直咬住唔放，咁當然冇咬損我啦。」而MV的其中一張相片懷疑城城有生理反應，對此經理人小美說：「絕對唔係，主要係因為條牛仔褲太闊所產生嘅錯覺，而且呢一個MV嘅畫面全部都係好靚嘅，所以希望大家唔好有咁多無謂嘅猜測。」
問城城於現實中有沒有同樣經歷，他笑說：「咁私人嘅嘢我點答你呀？唔係乜都要撕開畀人睇，而且熱戀嘅情侶有呢啲親暱舉動都唔出奇，總之每個人都有自己嘅美麗片段，而我嘅美麗片段就係我每一個回憶。」
那麼紀香是否屬於他回憶的一部份？城城笑說：「我同佢拍嘢時嘅片段最值得回憶。」在《錯愛的呼喚》MV照片中，城城的頸上出現「咖喱雞」疑雲，他無奈地說：「唔係呀，黐線！我都俾人屈慣，冇所謂啦，我講咁多嘢都係白費。」而小美亦解釋是女主角過於緊張攬着城城，所以才導致其頸上留下不少手指印。
採訪：李珮洳 攝影：仇志德
