香港大家族第二代，好多都子承父業，正如永亨銀行老闆馮鈺斌；但第三代點呢就難講，馮鈺斌噚日就話佢個公子重未打算入永亨幫手，唔似寶baby公子李民橋咁，已經喺東亞開緊工。佢重話「希望永亨由最能幹嘅人去管理」，又真係好開明。佢對香港家族銀行發展方向嘅睇法，係「好似我哋發行的債券，二○一三年到期，到時我會喺邊度呢？一個人或者一個家族同一間公司比，梗係一個公司長久過一個人，所以係咪永遠係一個family（家族）擁有一間銀行，我都唔知道。」
不過講番轉頭，佢都話間銀行係父親傳落嚟嘅，都有感情㗎。
傳真︰2623-9278
電郵︰