我羅拉可能已經患上職業病，每次見到啲日本巨胸女星，都會忍唔住笑出嚟，好似小池榮子咁，就算佢喺廣末涼子套新片《戀愛寫真》入面幾咁正經，我都會覺得好好笑。
最近榮子拍咗一輯充滿故事性嘅寫真，再次令我忍俊不禁，佢喺寫真入面扮演一位同一班大肥佬一齊住嘅女仔，而呢幾位超過二百磅嘅肥哥哥各有特色，好似「小春」唔識坐定定，「阿夏」淨係鍾意打機，「秋官」最叻一口氣飲一支一公升可樂，而「冬冬」就最愛啜咖喱包中間嘅餡！
據寫真簡介所講，榮子每日要喺充滿肥肉、肥油、肥仔零食同肥仔毛髮嘅房間生活，睇見榮子喺班肥哥哥身上又坐又瞓，好風騷咁拍寫真，實在令人佩服；不過最搞鬼係佢同班勁凸肚腩兼甩褲嘅肥哥哥一齊迫入電話亭，十足俾人揩油。
查實故事中嘅榮子身世都幾可憐，佢為咗養活班好食懶飛嘅肥哥哥，被迫要過皮肉生涯，後來榮子要離鄉別井工作，但唔好以為咁係一個解脫，事關當佢一個人沖涼嗰陣，竟然好掛住呢班肥哥哥呢！