黃伊汶前晚跟新城DJ李國能演出短劇時親暱地擁抱，李國能還似乎不經意碰到黃伊汶的胸部，但他們未有為意，繼續投入演出。而麥浚龍則被DoubleR投訴霸佔化妝間，令其他歌手要站在走廊吃飯。
麥浚龍（Juno）、黃伊汶（Emme）、余文樂、DoubleR和張敬軒前晚在大學會堂演出「仲夏長夜不眠音樂會」。Emme除例牌穿上超短裙又唱又跳，露出打底褲外，她與新城DJ李國能演出短劇時緊緊擁抱，演得投入時，李國能的手似乎不經意碰到Emme的胸部，但他們均未有為意，繼續投入演出。
Emme和Juno每次出騷都帶着大班舞蹈員，Emme前晚帶着四名舞蹈員到場，而Juno則帶了六名舞蹈員，但因前晚出席活動的女藝人較少，故Emme可自由在女化妝間準備，相反Juno則被DoubleR投訴帶着大班舞蹈員霸佔整個男化妝間，以致其他歌手要站在走廊吃飯。
DoubleR的范振鋒說：「間房好窄呀，有啲人要企出走廊，張敬軒都要喺走廊，我又要喺走廊食飯。Juno嘅backup太大，佢重細唔知囉，等佢大幾年先知，其他歌手應出聲啦，令佢知道應顧及其他人先得囉，都唔止一次㗎，我哋同佢同一間公司先講。」
Juno得悉被投訴後說：「我要跳舞先要舞蹈員，好難講㗎。」問Juno會否請舞蹈員到化妝間外，分點地方予其他歌手，他說：「唔會，我想同舞蹈員一齊坐，我唔想自己坐化妝間，我唔係有心，唔係特登。」
而環球唱片總經理黃健豪則說：「呢度咁迫，大家遷就吓囉，Emme都好多dancer㗎，問題唔大，下次安排好啲囉。」Juno綵排時做出跳起踢腿再跪地的高難度動作時，不慎弄傷腿部流血，而他包紮好傷口後仍繼續演出。
採訪：王連連 攝影：陳志嵐
