吳美珩連續四年擔任一化妝品品牌的代言人，早前拍攝新一輯平面廣告，談到護膚心得，吳美珩表示全賴湯水和生果。在即將開拍的無綫新劇中，她飾演模特兒，原來她早年已曾被人誤以為是名模琦琦。
吳美珩早前在柴灣工業城為化妝品牌ULTIMAII，拍攝新一輯緊緻抗紋系列平面廣告，連續四年成為該品牌在港唯一代言人的她，憑着其健康形象，最近與廣告商續約一年。拍攝當日，吳美珩獲近十名工作人員服侍，可見廣告商對她非常重視。
拍攝當日吳美珩身穿白色套裝，坐在十多個近期日本流行的銀色健身球前，予人一種超時空感覺。擁有白皙皮膚的吳美珩說：「好多人都以為我係北方人，其實我鄉下係中山，可能係我鍾意飲湯同食生果，所以啲皮膚都唔錯。以前喺美國已經開始留意呢個護膚品牌，最開心係聽到話自從我做代言人之後，產品每年銷量都上升。」
吳美珩最近接拍無綫新劇《彩虹橋》，飾演模特兒的她說：「其實我只係試過兩、三次以嘉賓形式行天橋，呢排盡量多啲去睇時裝表演，睇多啲名模行天橋。我初初返嚟香港，成日俾人認錯我係名模琦琦，𠵱家梗係冇啦，不過似佢咁靚都唔錯呀。」
吳美珩又表示日前到美國登台，她表示若時間許可，將會探望在三藩市的家人，她說：「我家姐最近生咗個女，我爹哋開心到即刻打電話畀我，返去都係一家人食餐飯。平時同屋企人每星期都通電話，今次冇乜嘢買返去，都係畀錢實際啲。」
採訪、攝影：卓美娟
