老董喺7.1之後好似真係痛定思痛，唔單止成日見人，重鬼咁鍾意接信，特首辦嘅官員話，董生呢幾次落區都有示威區畀大家請願，接信就更加預咗，但係長毛佢哋就搞亂檔，令董生少咗一次親民機會。至於長毛下嘅戰書，董辦都話諗緊，冇一口拒絕。
另外老董今日又去科大捧朱經武場，齊齊為納米材料技術研發所揭幕，各路英雄要請願，老董話唔怕，但請守秩序，逐個嚟。
講開香港人守法，八方就認真唔同意有人惡意去搞劉慧卿辦事處。一位心水清嘅人士同八方講，連林瑞麟都只係話卿姐在外說話應反映港人支持以一國原則實現國家統一嘅主流意見，足見卿姐之言冇大問題，律政司方面亦冇嘢講，究竟圍剿者目的是甚麼？
傳真︰2623-9278
電郵︰